Soek    

Tanja



Daar sal altyd musiek wees in ons huishouding. Daar was nog altyd musiek in ons huishouding!

Ek speel reeds sedert voorskoolse ouderdom keyboard en het ook dieselfde tyd begin met moderne danse. 

Op hoërskool het ek in 'n twee-stuk orkes opgetree en ook soms die kerkorrel gespeel. Tydens hoërskool het ek ook begin met viool, kitaar, djembe tromme en sanglesse (ek het selfs die Idols aangepak). Die keyboard het egter my hoofbelangstelling gebly en ek het meestal slegs backing vocals gesing.

Toe ek in 2006 vir die eerste keer 'n liedjie solo gesing het tydens 'n optrede in die twee-stuk orkes het die gehoor se positiewe reaksie duidelik getoon dat ek 'n sang talent het.

Ek het toe meer begin konsentreer op my sang en het in 2007 deelgeneem aan 'n plaaslike sang-stem kompetisie en derde plek behaal. Ek het in 2008 weer aan 'n talent kompetisie deelgeneem en weer deurgedring na die finale rondte. Ongelukkig kon ek nie die eindronde bywoon nie en moes ek van die kompetisie onttrek.

Ek het vir 'n aantal jare opgetree in 'n tweestuk orkes asook in 'n 5-stuk orkes, waartydens ek gesing het en die keybord bespeel het. Ons het gereeld opgetree by troues, jaareindfunksies, danse en vertonings. Ons het 'n verskeidenheid van Rock, Blues, Pop, Afrikaans en soms Latin en Jazz, afhangende van die aanvraag en geleentheid, uitgelewer. Ek het die orkes opgegee toe ek besluit om my energie te bestee aan die opname van my 1ste CD, bygestaan deur my man, Charl, wie die kitaar speel. 

Die ontwikkeling van my sang oor die laaste paar jaar, die suksesvolle optredes en positiewe kritiek van die publiek, gee my die vertroue dat ek gereed is om 'n sangloopbaan te begin.